Sadma to Hai Mujhe || Qateel Shafai Sad Poetry صدمہ تو ہے مجھے urdu hindi poetry

Sadma to Hai Mujhe || Qateel Shafai Sad Poetry صدمہ تو ہے مجھے urdu hindi poetry

قتیلؔ شفائی

صدمہ تو ہے مجھے

صدمہ تو ہے مجھے بھی کہ تجھ سے جُدا ہوں میں

لیکن یہ سوچتا ہوں کہ اب تیرا کیا ہوں میں

بکھرا پڑا ہے تیرے ہی گھر میں ترا وجود

بےکار محفلوں میں تجھے ڈھونڈتا ہوں میں

میں خود کشی کے جُرم کا کرتا ہوں اعتراف

اپنے بدن کی قبر میں کب سے گزا ہوں میں

کس کس کا نام لاؤں زباں پر کہ تیرے ساتھ

ہر روز ایک شخص نیا دیکھتا ہوں میں

نہ جانے کس ادا سے لیا تو نے میرا نام

دنیا سمجھ رہی ہے کہ سب کچھ ترا ہوں میں

پہنچا جو تیرے در پہ تو محسوس یہ ہوا

لمبی سی ایک قطار میں جیسے کھڑا ہوں میں

لے میرے تجربوں سے سبق اے میرے رقیب

دو چار سال عمر میں تجھ سے بڑا ہوں میں

جاگا ہوا ضمیر وہ آئینہ ہے قتیلؔ

سونے سے پہلے روز جسے دیکھتا ہوں میں

Sadma tu hai mujhe bhi k ab tujh se juda hoon main

Lekhan yeh suchta hoon k ab tera kya hoon main

Bikhra para hai tere hi ghar mein tera wajood

Bekaar mehfiloon mein tujhe dhondta hoon main

Main khud kasha ke jurm ka karta hono aitraaf

Apne badan ki qabar mein kabse gazra hoon main

Kis kis ka naam laoon zaban pr k tere saath

Her rooz ek shakhs naya dekhta hoon main

Na janey kis ada se liya tu ne mera naam

Duniya samjh rhi hai k sab kuch tera hoon main

Puhancha jo tere dar pet u mehsoos yeh hua

Lambi c ek qataar mein jaisey khara hoon main

Ley mere tajurboon se sabak ae mere raqeeb

Do chaar saal umer mein tujh se bara hoon main

Jaga hua zameer who aaina hai qateel

Soney se phele roz jissey dekhta hoon main

QATEEL SHIFAI

FOR MORE OF QATEEL SHIFAI