Purane Doston Se Ab Murawat Chor Di Hum Ne Shahzad Ahmad Urdu Sad Poetry

Purane Doston Se Ab Murawat Chor Di Hum Ne Shahzad Ahmad Urdu Sad Poetry

پُرانے دوستوں
سے اب مروت چھوڑ دی ہم نے

پُرانے دوستوں سے اب مروت چھوڑ دی ہم نے

معزز ہو گئے ہم بھی شرافت چھوڑ دی ہم نے

میسر آچکی ہے سر بلندی مڑ کے کیوں دیکھیں

امامت مل گئی ہم کو تو امت چھوڑ دی ہم نے

کسے معلوم کیا ہوگا مال آئندہ نسلوں کا

جواں ہو کر بزرگوں کی روایت چھوڑ دی ہم نے

یہ ملک اپنا ہے اس ملک کی سرکار اپنی ہے

ملی ہے نوکری جب سے بغاوت چھوڑ دی ہم نے

ہے اتنا واقعہ اس سے نہ ملنے کی قسم کھا لی

تاسف اس قدر گویاوزارت چھوڑ دی ہم نے

کریں کیا یہ بلا اپنے لئے خودمنتخب کی ہے

گلا باقی رہا لیکن شکایت چھوڑ دی ہم نے

ستارے اس قدر دیکھے کہ آنکھیں بجھ گئیں اپنی

محبت اس قدر کر لی محبت چھوڑ دی ہم نے

جو سوچا ہے عزیزوں کی سمجھ میں آنہیں سکتا

شرارت اب کے یہ کی ہے شرارت چھوڑ دی ہم نے

اُلجھ پڑتے اگر تو ہم میں تم میں فرق کیا رہتا

یہی دیوار باقی تھی سلامت 
چھوڑ دی ہم نے

گنہا گاروں میں شامل مدعی بھی اور ملزم بھی

ترا انصاف دیکھا اور عدالت چھوڑ دی ہم نے

شہزادؔ احمد

Puraney dostoon se ab murawat chor d hum ne

Muazzaz ho gye hum bhi sharafat chor d hum ne

Mayassar aa chuki hai sar bulandi mud k kyun dekhoon

Imamat mil gai hum ko tu ummat chor d hum ne

Kissey maloom kya ho ga maal aainda naslono ka

Jawaan ho kr bazurghoon ki riyawat chor d hum ne

Yeh mulk apna hai is mulk ki Sarkar apni hai

Milli hai nokri jan se baghawat chor d hum ne

Hai itna waqia us se na milne ki qasam kha li

Tassuf is qadar goya wazarat chor d hum ne

Karein kya yeh bala apne liye khud muntakhab ki hai

Gila baqi rha lekhan shikayat chor d hum ne

Sitary is qadar dekhey k aankheni bujh gain apni

Muhababt is qadar kr li muhababt chor d hum ne

Jo sucha hai azizoon k isamjh main aa nahi sakta

Shararat ab k yeh ki hai shararat chor d hum ne

Ulajh padta agger tu hum mein tum mein farq kya rehta

Yehi deewar baqi thi salamat chor d hum ne

Gunhagaroon mein shamil muddai bhi aor mulzim bhi

Tera insaf dekha aor adalat chor d hum ne

SHEHZAD AHMAD

FOR MORE