Yeh Kia Ke Sab Se Bayan Dil Ki Haltain Karni Ahmad Faraz Urdu Hindi Poetry

 Yeh Kia Ke Sab Se Bayan Dil Ki Haltain Karni

Faraz Tujh Ko Na Ayen Muhabtain Karni

Ye Kurb Kia Ha Keh Tun Samne Ha Aur Hamey

Shumar Abhi Se Judai Ki Satain Karni

Koi Khuda Ho Keh Pathar Jisey Bhi Hum Chaye 

Tamam Umer Esi Ki Ibadatain Karni

Sab Apne Apne Kareene Se Manzar Es Ke

Kisi Ko Shukar Kisi Ko Shekatain Karni

Hum Dil Se He Majboor Aur Logun Ko 

Zra Se Baat Pe Barpa Kayamtain Karni 

Milain Jab En Se Tu Mubhim Si Guftagu Karna

Phir Apne Ap Se Su Su Wazahatain Karni

Ye Log Kesy Magar Dushmni Nibhatain Hain

Hamey Tu Raas Na Aye Muhabtain Karni

Kabhi Faraz Naye Mosmun Main Ro Dena

Kabhi Telash Porani Rafaqtain Karni

یہ کیا کہ سب سے بیاں دل کی حالتیں کرنی

فرازؔ تجھ کو نہ آئیں محبتیں کرنی

یہ قرب کیا ہے کہ تو سامنے ہے اور ہمیں

شمار ابھی سے جدائی کی ساعتیں کرنی

کوئی خدا ہو کہ پتھر جسے بھی ہم چاہیں

تمام عمر اسی کی عبادتیں کرنی

سب اپنے اپنے قرینے سے منتظر اس کے

کسی کو شکر کسی کو شکایتیں کرنی

ہم اپنے دل سے ہی مجبور اور لوگوں کو

ذرا سی بات پہ برپا قیامتیں کرنی

ملیں جب ان سے تو مبہم سی گفتگو کرنا

پھر اپنے آپ سے سو سو وضاحتیں کرنی

یہ لوگ کیسے مگر دشمنی نباہتے ہیں

ہمیں تو راس نہ آئیں محبتیں کرنی

کبھی فرازؔ نئے موسموں میں رو دینا

کبھی تلاش پرانی رفاقتیں کرنی